Otmar Näpflin schreibt:

​

Diä neywi CD isch jetz da

womä de ai chaifä cha

ä Hergnuss isch sie, gwiss bimeid

ha inäglost, sie macht viel Fräid.

 

Da sind diä beedä Rohrer-Fraijä

scheeni -Stimmä, scheen zum gschaijä

wo diä jungä Juizer dend treniärä

wo dank ihnä chend brilliärä.

 

Sie hend diä Jungtalänt entdeckt

und gmerkt was muisikalisch drinnä steckt

eb Harfä, Orgälä oder Bass

souverän beherrschid's das.

 

Druif isch ai nu s'Steffi - Duett

womä nid vergässä sett

druif singt s'Terzett Rohrer - Wenger

wer's nunig weiss, das gid's scho lenger.

 

Und was es susch nu z'gherä gid

isch lipfigi Muisig, diä fähld nid

drum seyg jetz hiä ganz ehrlich gsäid

ä glungni CD, diä macht Fräid.